Nafarroako PAI Legea du hizpide Berriketan saioaren atal honek. Steilas sindikatuak legearen kontrako helegitea paratu zuen 2023an, eta Espainiako Auzitegi Gorenak onartu egin du, legez kanpokoa izan daitekeelakoan. Ion Orzaiz BERRIAko gizarte gaietako kazetariak azaldu dizkigu auziaren nondik norakoak.

Urte berriarekin batera, uhinetan da berriz ere Kinka podcasta. Hirugarren denboraldiko seigarren atalean, saioak emisio gutxiko eremuak ekarri ditu erdigunera, Txapu Martin Ekologistak Martxan taldeko kidearekin batera. Eremu horien nolakotasunez, Bilboko kasu partikularraz eta, oro har, mugikortasun ereduez hitz egin du ekintzaileak. Hiztegian, karbono merkatuez aritu dira Nagore Arin eta Oli Artola.

Larunbat honetan, seme txikia bere kabuz atera da kalera lagunekin. Lehen aldia izan da, duela zazpi urte New yorkera etorri ginenetik.

Zientzialarien kontrako erasoak ditu hizpide Berriketan saioaren atal honek. Zenbait ikerketek agerian utzi dute zientzialari askok erasoak jasan dituztela komunikabideetan dibulgazioa egiteagatik. Maider Eizmendi Gureiker taldeko ikerlariak hurbiletik aztertu du gaia, eta gako nagusiak azaldu dizkigu. Gainera, Virginia Garcia eta Gorka Oribe zientzialarien bizipenak jaso ditugu.

Venezuelako presidentearen izendapena du hizpide Berriketan saioaren atal honek. Gaur da inbestidura eguna, eta Nicolas Maduro prest dago hirugarren agintaldiari ekiteko. Edmundo Gonzalez Urrutia oposizioko hautagaiak bere burua du irabazletzat, eta esan du Caracasera joanen dela presidente kargua hartzera. Egoeraren berri eman digute Maider Galardi F. Agirre eta Zuriñe Rodriguez Lara kazetari eta BERRIAko kolaboratzaileek Caracasetik.