Museotik atera eta parkea oinez igaro dut. Hotz egiten duen arren, lakua dagoeneko ez dago izoztua. Jendea paseoan dabil, txanoekin eta bufandekin, bakoitzak bere ametsa egurasten. Zoriontsuak izango ote diren galdetu diot neure buruari. Ezen zaila baita hiri hau, badaki ematen baina kentzen ere bai.

Iruñeko txupinazoko jendetzaren portaerari buruzko ikerketa du hizpide Berriketan saioaren atal honek. 'Nature' aldizkarian argitaratu dute, eta Itsaso Jauregi BERRIAko zientzia gaietako kazetariak azaldu dizkigu ikerketaren gako nagusiak.

Mozorro arrazistak ditu hizpide Berriketan saioaren atal honek. Inauteri garaia da, eta Gasteiz Antirrazista taldeak txinatar, indio edo afrikar jantziak bazter uzteko eskatu diote jendeari, haien atzean arrazakeria, kolonialismo eta zapalkuntza historia luzea baitago. Edurne Elizondo BERRIAko kazetariak azaldu dizkigu auzi honen gakoak.

Donald Trumpen hilabeteko agintaldia du hizpide Berriketan saioaren atal honek. Tarte honetan muga zergak agindu ditu ezker eskuin, baina oraingoz Txinari ezarritakoak baino ez daude indarrean. Auzi horri buruzko gako nagusiak azaldu dizkigu Irune Lasa BERRIAko Ekonomia saileko kazetariak.

Getariako hegalabur haztegiaren inguruan egin du Kinka saioak hirugarren denboraldiko bederatzigarren atala, Lorea Flores biologo eta Greenpeaceko Hego Euskal Herriko koordinatzailearekin. Haztegiak eragingo dituen kalteez gain, arrantza ereduaz eta hartu beharko lukeen norabideaz ere hitz egin du gonbidatuak. Hiztegian, hidrogeno askotarikoez hitz egin dute Nagore Arin eta Oli Artola solaskideek.

Alemaniako hauteskundeetako emaitzak ditu hizpide Berriketan saioaren atal honek. Bundestag Alemaniako parlamentuak eskuinera egin du: kontserbadoreek irabazi dute, eta ultraeskuindarrak dira bigarren indarra. Emaitzak analizatzeko gako nagusiak eman dizkigu Iker Aranburu BERRIAko Ekonomia saileko kazetariak Berlinetik.

Berriketan podcasteko doinuak Lumi taldeak egin ditu.