Jone Uria | Chat BDB

Bertso jarriak

Jone Uria | Chat BDB

2024ko uztailaren 20a

Jone Uria Albizuri. Getxon (Bizkaia) jaioa, 1990ean. Matematikan doktore da, eta irakasle ari da Euskal Herriko Unibertsitatean. 9 urterekin San Nikolas ikastolan eskolaz kanpoko bertsolaritza eskoletan izena eman ondoren, 12 urte zituela hasi zen ALBEn Algortako Bertsolari Eskolan, eta ordutik bertan jarraitzen du partaide zein eragile gisa. 2008an hartu zuen parte lehenengoz Bizkaiko Bertsolari Txapelketan, eta finalaurrekoetara iritsi zen. Gerora final guztietan parte hartu du. Azkeneko bietan, 2021ean eta 2023an, buruz burukoan kantatu zuen. 2009, 2013 eta 2017 urteetako Bertsolari Txapelketa Nagusietan ere aritu da.

Chat BDB

Doinua: Ikusten duzu goizean

Ei, Chat BDB, zer moduz?
          Ba hementxe, neure kabuz.
Has zaitez bertso bat landuz.
          Bertso bat, noski, baina ze neurri,
          nola eta zeri buruz?
Lehen puntutik abiatuz
zure zenbaki ta datuz
ahal bezala osatuz.

Algoritmo ta aldagai,
          sentimentuen ardagai. [6]
          bilakatzen den bizigai. [14]
          Orduan gaitzat hartzen genitun
          ta orain eurak dira gai. [9]
          Sortzean ginen bost anai. [5]
          denak irristadaren zai, [8]
          inork ez zuen joan nahi. [5]

Datuen itzalekoa
non burua, han lepoa,
ez zara hain paletoa!
Nahiz ta osatu duzun txukun bat
gaitegi zabalekoa;
ezetz egin balekoa,
edo onen taldekoa,
aktualitatekoa!

          Zikin munduko atlasa [3]
        Zisjordania ta Gaza, [4]
          hura pelotazo jasa. [13]
          Tiranoari ere iristen
          zaiola azken arnasa? [4]
          Israel, Cia ta Nasa, [1]
          ez da laguntza eskasa. [1]
          Hemen ez da ezer pasa... [13]

Harrotu zaigu chat-bot-a!
Gerra eta anekdota
nahiz behar bezala konta.
Inteligentzia artifizialaz
ez daude hainbeste sorta.
Hortxe hurrengo erronka:
ezetz bertso on bat bota
zeure buruaren kontra!

          Hau coitus-interruptusa! [16]
          Zer naiz, argin andaluza? [11]
          Ardo bat, gero Kombucha...[2]
          Zioten bera eroriko dek,
          baina zakurraren putza! [11]
          bultza naute, gogor bultza [15]
          bihurtzeraino kamutsa [2]
          bertsoa eta sorkuntza. [15]

Ez andrea, ez gizona [12]
Kodeari jaramona, [5]
irakurketa random-a... [5]
          Makinon inon ez egon nahia
          al da zure ezinegona? [12]
Erreten sakon-sakona. [7]
          Zuk eman didazu forma. [12]
Gauza onik ezin soma... [7]

Taberna-zulo ta landa
algoritmotatik landa
badugu nahikoa lan ba!
Ondo zabiltza, baina oraindik
ez gaude denak emanda.
Hartu agurtzeko txanda:
Agur, virgo beneranda [10]
plazer handi bat izan da.

Erreferentziak

Gaiak

Atal gehiago

Joanes Illarregi | Plastikoarenak

2024ko irailaren 14a

Joanes Illarregi Marzol. Leitzan (Nafarroa) jaioa, 1999an. Bere jaioterriko bertso eskolan egin zituen lehen pausoak, eta 2007an parte hartu zuen lehen aldiz Eskolarteko Txapelketan; hirutan izan da Nafarroako Eskolarteko Txapelduna. Lau aldiz hartu du parte Nafarroako Bertsolari Txapelketan: finalerdietara iritsi zen 2017an, eta azken hiru aldietan —2019, 2021 eta 2023— laugarren postua erdietsi zuen. 2022ko Bertsolari Txapelketa Nagusian finalera iritsi zen.

00:00:0000:00:00

Maddi Aiestaran | Ezer galdu nahi ez duena

2024ko irailaren 7a

00:00:0000:00:00

Eneko Abasolo 'Abarkas' |Memoria

2024ko abuztuaren 31

00:00:0000:00:00

Manex Agirre | Hocney¹, Cano² eta Cheever³ igerilekuan

2024ko abuztuaren 24a

Manex Agirre Arriolabengoa. Aramaion jaio zen (Araba), 1982an. Arabako bertsolari gazteen txapelketa izan zuen lehen plaza, eta orduztik bertsoari loturiko hamaika jardunetan aritu da, bai kantuan eta bai eragiletzan —izan hedabideetan, bertso eskoletan zein Bertsozale Elkartean—. 2011ko eta 2015eko Arabako Bertsolari Txapelketeten txapeldun izan zen, baita 2020ko Arabako Kuadrilla arteko Bertso Txapelketen talde irabazleko kide ere.

00:00:0000:00:00

Aetz Etxart Sarasola | Koblaka

2024ko abuztuaren 17a

Aetz Etxart Sarasola. Urdiñarben jaio zen (Zuberoa), 2004an. Sohütako ikastolan hasi zen bertsotan, Xan Alkhatekin, eta Larzabaleko (Baxenafarroa) Manex Erdozaintzi kolegioan eta Baionako Bernart Etxepare lizeoko bertso eskolan segitu zuen. Iparraldeko Eskolarteko Txapelketan parte hartu izan du, eta birritan kantatu du Euskal Herriko Eskolarteko Bertsolari Txapelketaren finalean. Ozazeko (Zuberoa) bertso eskolan aritzen da egun.

00:00:0000:00:00

Saioa Alkaiza | Izan ez den kafe horri

2024ko abuztuaren 10a

Saioa Alkaiza Guallar. Iruñean jaioa, 1991. urtean. 12 urterekin hasi zen bertsotan, Antsoainen ikasle zela. Hara joan zitzaien Estitxu Arozena bertsolaritza irakastera, eta haren eskutik jantzi zuen 2021eko Nafarroako Bertsolari Txapelketako txapela. Kazetaritza eta Gizarte Antropologia ikasketak eginak ditu, eta Iruñerriko bertso eskolako eta ahalduntze bertso eskolako kide da. Birritan irabazi du Iruñeko egile berriendako euskarazko literatur lehiaketa..

00:00:0000:00:00

Maddi Sarasua | Gedarraren norantza

2024ko abuztuaren 3a

Maddi Sarasua Laskarai. Itsasun (Lapurdi) jaioa, 1995. urtean. 11 urterekin hasi zen bertso eskolan, Uztaritzeko ikastolan. Birritan irabazi zuen Iparraldeko Eskolarteko txapelketa, eta beste behin Euskal Herrikoa. 2012ko Xilaba Bertsolari Txapelketan parte hartu zuen, eta 2013an Euskal Herriko Bertsolari Txapelketan Nagusian izan zen lehenengoz, bertsolari gazteena izanik. Biharraren hegietan (Maiatz) olerki liburua argitaratu du aurten.

00:00:0000:00:00

Andoni Rekondo | Sokaren gainean

2024ko uztailaren 27a

Andoni Rekondo Izagirre. Hernanin (Gipuzkoa) jaioa 1999. urtean. 2019an hasi zen bertsotan Kontrakantxa gaztetxeko eskolan, eta Hernaniko bertso eskolan aritzen da orain. Zenbait gazte sariketatan hartu du parte. 2022an bigarren izan zen Lizardi sariketan, bertso onenaren saria lortuta.

00:00:0000:00:00

Jone Uria | Chat BDB

2024ko uztailaren 20a

00:00:0000:00:00

Ramuntxo Cristy | Zuri ta gorriz

2024ko uztailaren 13a

Ramuntxo Christy. Aiherran (Nafarroa Beherea) jaioa, 1980an. 2000az geroztik Amikuzen bizi da eta Zuberoan lan egin. Hain zuzen ere, gaztetatik izandako bertso zaletasuna Mauleko bertso eskolan garatu du 2005etik hona. Euskal Irratietan Punttuka bertsolaritzari buruzko irratsaioa gidatu du Xan Alkhatekin batera. Bestalde, Xilaba txapelketan parte hartu du 2010az geroztik.

00:00:0000:00:00

Podcastak

Hizlandia

Aintzane Erkizia Martikorena: Mari Luz Estebanen 'Amaren heriotzak libreago egin ninduen'

Hamahirugarren ataleko gonbidatua Aintzane Erkizia Martikorena arte historialaria izan da. Eta aukeratu duen liburua Mari Luz Estebanen Amaren heriotzak libreago egin ninduen (Pamiela, 2013).

Atal honetan erabilitako kantuak:

SWIK - Liminal Glimpse
JON WINTERSTEIN - From the Cold
GUSTAVO SANTAOLALLA - Do We Lose 21 Grams? JEFF BUCKLEY - Corpus Christi Carol
MAX RICHTER - On the Nature of Daylight

00:00:0000:00:00

Berriketan

Rosa Zarra: Bai, Ertzaintzak hil zuen

Rosa Zarraren auzia du hizpide Berriketan saioaren atal honek. Eusko Jaurlaritzaren Poliziaren Biktimen Balorazio Batzordeak onartu du Ertzaintzaren pilotakada batek eragindako zauriengatik hil zela duela 30 urte. Jon Ordoñez Garmendia BERRIAko kazetariak azaldu digu auzia. Horrekin batera, Pasaiako sarraskian Poliziak hildako lau militanteak ere aitortu ditu Jaurlaritzak, eta horri buruz aritu gara Gurutze Izagirre Intxauspe BERRIAko Politika saileko koordinatzailearekin.

00:00:0000:00:00

Kinka

Glaziarren galera, bizkortzen ari den kalte atzeraezina

Hirugarren denboraldiko hamaikagarren atalean, glaziarren galera izan du hizpide klima eta natura krisiari buruzko Kinka saioak. Ibai Rico EHUko glaziologo eta geografoak azaldu ditu fenomenoaren gako eta inpaktu nagusiak. Hiztegian, zerbitzu ekosistemikoez hitz egin dute Nagore Arin eta Oli Artola solaskideek.

00:00:0000:00:00

New Yorkeko munduak

Iowako eklipsea

Iowako nazioarteko idazleen eskolara iritsi berri, 2017ko abuztuaren 21ean, eguzki eklipsea izan zen. Christopher Merrill bertako arduradunak eta gainontzeko irakasleek gertaera ikustera eraman gintuzten, idazleen etxearen patioan bertan, horretarako utzi zizkiguten betaurreko beltz batzuekin. Eklipseak ez zuen asko iraun egia esan, bi minutu luze, eta ostean, bizitza lehengo bidera itzuli zen.

00:00:0000:00:00

Berriketan

Semeena, estalitako indarkeria matxista

Semeek egiten duten indarkeria matxista du hizpide Berriketan saioaren atal honek. Aurten bi hilketa matxista izan dira Euskal Herrian, eta bi kasuetan semeak izan dira hiltzaileak, eta haien amak, biktimak. Sarri isilpean gelditzen den indarkeria matxista horri erreparatu diogu Isabel Jaurena BERRIAko feminismo gaietako kazetariarekin. Miren Orozko gizarte langile eta generoan adituaren iritzia ere bildu dugu atal honetan.

00:00:0000:00:00

Berriketan

Gerra hotsak Europan (II)

Ukrainako gerra du hizpide Berriketan saioaren atal honek. Duela hiru urte hasi zen Ukrainiako inbasioa, eta berriz ere lehen planoan agertu da gerra, AEBak Ukrainarekin eta Errusiarekin negoziatzen ari baitira. Gatazka honen inguruko xehetasunak eman dizkigu Igor Susaeta BERRIAko Mundua saileko koordinatzaileak.

00:00:0000:00:00