Bilboko Guggenheim museoko zuzendari berriaren izendapena du hizpide Berriketan saioaren atal honek. Miren Arzalluzek zuzenduko du museoa 2025eko apiriletik aurrera, Juan Ignacio Bidarteri lekukoa hartuta. Arzalluzen curriculuma errepasatzeaz gain, Bilboko Guggenheim museoaren ibilbideaz, polemikez eta erronkez aritu zaigu Iñigo Astiz BERRIAko Kultura saileko kazetaria.

Valentziako hondamendiaren ondokoa du hizpide Berriketan saioaren atal honek. Herrialde Katalanetan gutxienez 214 hildako eragin zituen tanta hotzetik 15 egun igarota, hango egoera zein den azaldu digu Isabel Jaurena BERRIAko kazetariak, Valentziara berriemaile berezi joan baita.

Sexu indarkeria eta hari aurre egiteko protokoloak ditu hizpide Berriketan saioaren atal honek. Iñigo Errejonen kasutik abiatuta, indarkeria kasu hauek salatzeko dauden zailtasunak, egoera horiei aurre egiteko moduak eta alderdiek erantzuteko dituzten tresnak eta gabeziak azaldu dizkigu Isabel Jaurena feminismo gaiak lantzen dituen BERRIAko kazetariak.

Valentziako uholdeak eta haren ondorioak ditu hizpide Berriketan saioaren atal honek. Tanta hotzaz eta halako fenomeno meteorologiko kaltegarrien aurrean egin beharrekoaz hitz egin dugu Iker Ibarluzea meteorologoarekin, eta kaltetutako herrietako egoera kontatu digu Asier Agirre suhiltzaileak, han lanean aritu baita zenbait egunez.

AEBetako hauteskundeen emaitzak ditu hizpide Berriketan saioaren atal honek. Errepublikanoek irabazi dute, eta Donald Trumpek bigarrenez aginduko du AEBetan urtarriletik aurrera. Arantxa Elizegi Egilegor BERRIAko Mundua saileko editoreak egin du emaitzen analisia, eta Kirmen Uribe idazleak haren iritzia eman digu New Yorketik.

Everesteko kontuak ditu hizpide Berriketan saioaren atal honek. Duela ehun urte, Euskal Mendizaleen Federazioa sortu zenean, Andrew Comyn Irvine eta George Mallory mendizale ingelesak Everest igotzen saiatu ziren. Ez dakigu gailurrera iritsi ote ziren. Martin Zabaleta eta Pasang Temba bai, iritsi ziren, 1980an, ikurrina eskuan, eta berriki, elkarrekin igo dira oholtzara, euskal mendizaleen federazioen mendeurreneko galan. Horiek guziak hizpide izan ditu Ramon Olasagasti BERRIAko kazetari eta Mendia kanalaren koordinatzaileak.

Donostiako Kaleko Afari Solidarioak egitasmoa du hizpide Berriketan saioaren atal honek. Herritar talde batek segurtasun faltarekin lotu du egitasmoa, eta protesta egin ondotik, Donostiako Udalak Egia auzoan banatzen diren afariak debekatu ditu. Jakes Goikoetxea Gizartea saileko koordinatzaileak azaldu dizkigu auziaren gako nagusiak.

Energia enpresen gaineko zerga du hizpide Berriketan saioaren atal honek. Josu Jon Imaz Repsoleko kontseilari ordezkariak «populistatzat» jo du zerga hori, eta presio egin die Junts eta EAJ alderdiei Espainiako Gobernuak betikotu ez dezan. Irune Lasa BERRIAko Ekonomia saileko kazetariak auziaren gako nagusiak azaldu dizkigu.

Lantzeko idazkuna du hizpide Berriketan saioaren atal honek. Berriki aurkeztu dute duela bi mila urte ustiatzen zuten meatzean zizelkatutako hitz bat: ikae edo igae, adituen arabera. Aurkikuntza honen nondik norakoak eta adituek planteatzen dituzten hipotesiak azaldu dizkigu Mikel P. Ansa BERRIAko editoreak.

Bilbok Deustu eta Begoña anexionatu zitueneko mendeurrena du hizpide Berriketan saioaren atal honek. Herri horien izaera, bilakaera eta gaur egungo egoera azaldu dizkigu Ibai Maruri Bilbao Bizkaiko Hitzako zuzendariak.