Benito Lertxundiren ibilbidea du hizpide Berriketan saioaren atal honek. Musika ibilbidea bukatutzat eman du Lertxundik, eta kantuz-kantu 60 urteko bidea errepasatu dugu Badok musika atariko arduradun Gorka Erostarbe Leundarekin.

Euskararen larrialdia du hizpide Berriketan saioaren atal honek. Kontseiluak ohartarazi du euskararen normalizazio eta biziberritze prozesuren azken hamarkadetako susperraldia eten egin dela, eta mobilizazio handi bat iragarri du heldu den urteko abendurako. Arantxa Iraola BERRIAko hezkuntza eta euskara gaietako kazetariak azaldu dizkigu gaiari buruzko gako nagusiak.

EHUko errektoretzarako hauteskundeak ditu hizpide Berriketan saioaren atal honek. Joxerramon Bengoetxea aise gailendu da bozketan, eta bera izanen da errektore berria sei urtez. Irati Urdalleta Lete BERRIAko hezkuntza gaietako kazetariak azaldu dizkigu hauteskunde hauetako gako nagusiak.

EAJren herrialdeetako presidente berriak ditu hizpide Berriketan saioaren atal honek. Bost lurraldeetako buru batzarrak berritu ditu alderdi jeltzaleak, eta banaka-banaka aztertu dugu leku bakoitzeko gidaritza nork eramanen duen Xabier Martin BERRIAko Politika saileko kazetariarekin.

Indarkeria Matxistaren Kontrako Nazioarteko Eguna du hizpide Berriketan saioaren atal honek. Gaur mobilizazioak eginen ditu Euskal Herriko mugimendu feministak Ez bazara konponbidea, arazoa zara mezuarekin. Bilgune Feministako Elene Lopetegi eta Ekhi Petriati gurekin aritu dira indarkeria matxistaz eta gizonen arduraz solastatzen.

Bernart Etxepareren bizitzari buruz argitaratutako datu berriak ditu hizpide Berriketan saioaren atal honek. Euskaraz argitaratutako lehenbiziko liburuaren egileak seme bat izan zuen eta semearen ezkontza istorio harrigarria izan zen. Koldo Azkona musikari eta ikerlariak kontatu dizkigu xehetasunak, berak zuzendu baitu Bernart Etxepare 1545 disko-liburuaren proiektua.

Italiaren eta Albaniaren arteko migrazio ituna du hizpide Berriketan saioaren atal honek. Giorgia Meloni lehen ministroak Mediterraneotik heldu diren migratzaileentzako bi zentro eraiki ditu Albanian, baina orain arte ezin izan ditu etorkinak han atxiki. Ane Irazabal Elkorobarrutia nazioarteko kazetari eta BERRIAko kolaboratzaileak azaldu dizkigu gaiaren gako nagusiak.

Etxegabeen egoera du hizpide Berriketan saioaren atal honek. Euskal Herrian geroz eta jende gehiago bizi da karrikan, eta erakundeen baliabideak eskas dira. Gizarte eragileek egiten dute sarri haien lana, eta hori ere ez da aski. Arazo honen gako nagusiak azaldu dizkigu Ion Orzaiz BERRIAko gizarte gaietako kazetariak.

Bilboko Guggenheim museoko zuzendari berriaren izendapena du hizpide Berriketan saioaren atal honek. Miren Arzalluzek zuzenduko du museoa 2025eko apiriletik aurrera, Juan Ignacio Bidarteri lekukoa hartuta. Arzalluzen curriculuma errepasatzeaz gain, Bilboko Guggenheim museoaren ibilbideaz, polemikez eta erronkez aritu zaigu Iñigo Astiz BERRIAko Kultura saileko kazetaria.

Valentziako hondamendiaren ondokoa du hizpide Berriketan saioaren atal honek. Herrialde Katalanetan gutxienez 214 hildako eragin zituen tanta hotzetik 15 egun igarota, hango egoera zein den azaldu digu Isabel Jaurena BERRIAko kazetariak, Valentziara berriemaile berezi joan baita.