Podcastak

Iowako nazioarteko idazleen eskolara iritsi berri, 2017ko abuztuaren 21ean, eguzki eklipsea izan zen. Christopher Merrill bertako arduradunak eta gainontzeko irakasleek gertaera ikustera eraman gintuzten, idazleen etxearen patioan bertan, horretarako utzi zizkiguten betaurreko beltz batzuekin. Eklipseak ez zuen asko iraun egia esan, bi minutu luze, eta ostean, bizitza lehengo bidera itzuli zen.

Semeek egiten duten indarkeria matxista du hizpide Berriketan saioaren atal honek. Aurten bi hilketa matxista izan dira Euskal Herrian, eta bi kasuetan semeak izan dira hiltzaileak, eta haien amak, biktimak. Sarri isilpean gelditzen den indarkeria matxista horri erreparatu diogu Isabel Jaurena BERRIAko feminismo gaietako kazetariarekin. Miren Orozko gizarte langile eta generoan adituaren iritzia ere bildu dugu atal honetan.

Ukrainako gerra du hizpide Berriketan saioaren atal honek. Duela hiru urte hasi zen Ukrainiako inbasioa, eta berriz ere lehen planoan agertu da gerra, AEBak Ukrainarekin eta Errusiarekin negoziatzen ari baitira. Gatazka honen inguruko xehetasunak eman dizkigu Igor Susaeta BERRIAko Mundua saileko koordinatzaileak.

Azterlanetan ere azaleratu da joera: mutil gazteek bereziki egiten dute bat korronte antifeministekin. Eta sexuarekiko eta sexualitatearekiko daukaten harremanean ere islatzen da hori. Itxaso Torregrosa sexologo eta hezitzailearen hitzak jaso ditu Berria FMk. Emandako ikastaroetan, argi ikusi ditu feminismoaren kontrako erresistentziak; «TikToken-eta aditzen dituztenen oihartzunak». Baina helduek daukaten arduraz ere ohartarazi du: «Haiek ez daude entzuteko prest, baina gu ez gara asmatzen ari».

Euskoa eta hura hedatzeko bidea du hizpide Berriketan saioaren atal honek. Duela hamabi urte sortu zen euskoa moneta, baina oraingoz Ipar Euskal Herrian baizik ezin da erabili. Orain Oiartzualdean eta Baztanen egin nahi dute proba. Gai horri buruzko xehetasunak eman dizkigu Urko Iridoy Alzelai BERRIAko kazetariak.

Hirugarren denboraldi honetan, Bonus Tracka izango du Kinka saioak. Hamabostean behin argitaratutako ale nagusiaren osagarri izango da; izan ere, galdera berdin bati erantzungo diote elkarrizketatu guztiek, eta euren lan, jardun edo ikerketa arlotik etorkizuna nola amesten duten azalduko dute. Hemengo honetan, Hodei Rodriguez Jauzi Ekosoziala mugimenduko kideak erantzun dio galdera horri.