Pasaiako portuarentzat diseinu berria datorren ekainaren 23an aurkeztuko dio Miguel Buen Pasaiako Portuko Agintaritzako presidenteak Administrazio Kontseiluari, eta aurrekontu eta lurzoru babestuaren eremua erdira murrizteko proposamena izango da. "Ia segurtasun osoz jaitsiko da erdira aurrekontua", adierazi du Buenek.
Kanpoko portuaren aurrekontua "750 milioi eurotara jaitsiko da", eta babestutako lurzorua "pentsatutakoaren erdia baino apur bat gehiago murriztuko da".
Espainiako Gobernuak iragarritako murrizketek, hala ere, ez die "inolaz ere" eragingo barneko porturako erabakitako lanei. Orohar, portua finantzatzeko arazoak daudela aitortu du gaur ere Buenek, eta lanak hiru urte-edo atzeratuko direla.
Pasaiako portuaren proiektuak aurrekontua erdira murriztuko du
Iruzkinak
Ez dago iruzkinik
Ordenatu
