"EAJk eta Nafarroa Baik ez dute euskal estaturik nahi". Hala esan du gaur Karmele Aierbe ezker abertzalearen kideak Elorrion (Bizkaia) egin duten agerraldian. "Interes alderdikoiak eta negoziokoak dituzte haiek, eta horren arabera mugitzen dira. Haien helburua ez da Euskal Herriaren eraikuntza, Espainiarena baizik".
Ezker abertzaleak "marko demokratikoa" lortzeko proposamena izan baduela azpimarratu du Aierbek, eta independentzia defenditu du. "Proiektu independentistak existitzeko eskubidea dauka eta, herritarrek hala nahi badute, gauzatzeko ere bai. Zaila izango da euskal estatua lortzea, baina lortuko dugu".
Ildo horretan, ezker abertzaleak iragarri du hemendik aurrera euskal estatu sozialista lortzeko pausoak emango dituela eta horri emango diola lehentasuna.
Ezker abertzalearen ustez, "EAJk eta Nafarroa Baik ez dute euskal estaturik nahi"
Iruzkinak
Ez dago iruzkinik
Ordenatu
