Orlandoko hilketen biktimei elkartasuna adieraztera deitu du gaurko Les Bascos elkarteak. 18:30ean ezarri du ordua, Baionako Herriko Etxearen aurrean.
Elkarteak nabarmendu du LGTB komunitateari eraso egin diotela "Charlie Hebdo edo Bataclan bezala, muturrekoen ideologia hiltzailearen aurkako askatasun ikurra" delako: "Floridan gertatutakoak gogoarazten digu homofobiak hiltzen duela".
Bilbon, berriz, Arriaga plazan egingo dute elkarretaratzea, 20:00etan.
Concentración Solidaridad con las víctimas de #Orlando. Lunes 13Jun 20:00hrs Pza. Arriaga #Bilbao#StopLGTBIfobiapic.twitter.com/68DwJjBgCw
— Ecuador Etxea (@EcuadorEtxea) 2016(e)ko ekainak 13
Iruñeko eta Donostiako udaletxeetan, berriz, ortzadar koloreko bandera zintzilikatu dute.
Orlandon gertatutako erasoa salatzen dugu donostiar guztiok / Siempre con la libertad y los derechos #Orlandopic.twitter.com/maa4xdUedz
— Eneko Goia (@enekogoia) 2016(e)ko ekainak 13
Berdindu: "Mundu mailako arazoa"
Eusko Jaurlaritzaren Berdindu zerbitzuak Orlandoko erasoa "irmoki" gaitzetsi du ohar bidez. Salatu dute gertaerek agerian uztendutela "beste behin" LGTB komunitatearen zaurgarritasuna "gorroto delituen aurrean". Biktimen familiei doluminak adierazteaz gain, ohartarazi dute LGTB kolektiboan "mundu mailan" egin behar diela aurre giza eskubideen etengabeko urraketei. Era berean, gaitzetsi du, 1969an Stonewalleko (AEB) erasoetatik 47 urte pasa direnean, bizirik jarraitzen dutela homofobiak, transfobiak eta bifobiak.
Nafarroako Parlamentuko Bozeramaileen Batzordeak ere erasoa gaitzetsi du. Ohar batean, bat egin dute hildakoen senide eta lagunen oinazearekin, eta "munduko edozein lekutan gertatutako ekintza bortitz edo homofobo oro" arbuiatu dute.
