'Le pardon'

Zuzendariak: Maryam Moghadam eta Behtash Sanaeeha. Aktoreak: Maryam Moghadam, Alireza Sani Far eta Pouria Rahimi. Herrialdea: Iran. Urtea: 2021. Iraupena: 105 min. Generoa: Drama.

Iran. Gaur egun. Minaren bizitza irauli egingo da senarrari heriotza zigorra ezarri diotela jakitean. Bakarrik geratuko da, eta alaba du zaintzeko eta hezteko. Urtebete geroago, agintariek deituko dute, eta esango diote senarra ez zela errudun; bien bitartean gizon misteriotsu bat azalduko da haren bizitzan. Hildakoaren laguna dela dio, eta harekin zor bat duela...