AZAGRA. Auto batek su hartu zuen astearte arratsaldean Azagrako kanpoaldean (Nafarroa), eta, sua itzaltzean, pertsona baten gorpua aurkitu zuten suhiltzaileek ibilgailuaren barnean. Guardia Zibila ikertzen ari da zer gertatu den.
Azkoiengo suhiltzaileei eman zieten abisua, astearte arratsaldean: sua zegoela oihan batean. Sutan zegoena, ordea, auto bat zen, eta garrak inguruetako zelaietara ere hedatuak ziren autoaren suaren ondorioz. Gorpua ibilgailuaren barnean zegoen, kiskalita.
Javier Remirez Nafarroako presidenteordeak atzo jakinarazi zuen Guardia Zibilaren eskuetan dagoela ikerketa, eta sekretupean daukatela. Ez dute gertatuari eta hildakoari buruzko datu gehiagorik eman.
Gorpu bat atzeman dute su harturiko auto baten barnean
Guardia Zibila ikertzen ari da zer gertatu den. Astearte arratsaldean atzeman zuten ibilgailua sutan, Azagran
Iruzkinak
Ez dago iruzkinik
Ordenatu
