Altuna III.a eta Irribarria ariko dira gaur, Donostian

PILOTA. Jokin Altunak eta Iker Irribarriak Banakako Txapelketako final-laurdenetako lehen partida jokatuko dute gaur Donostian, Atano III.a pilotalekuan (22:00, ETB1). Irabazlea Peio Etxeberria edo Danel Elezkanoren aurka ariko da finalerdietan, maiatzaren 19an, Eibarren (Gipuzkoa), Astelenan.

Amezketarra egungo txapelduna da, eta, horregatik, final-laurdenetan ekingo dio lehiari. Aramarrak, berriz, jada jokatu du neurketa bat, Victor Estebanen aurka, final-zortzirenetan, eta estu samar irabazi zuen:22-20.

Apustuetan Altuna III.a da faborito, baina alde txikiagatik: 100-80ri. Bien arteko aurrekaririk ez dago, inoiz ez baitute jokatu elkarren aurka Banakako Txapelketan. Gaztetan, baina, makina bat aldiz izan dira aurrez aurre. Horregatik, biek esan dute «partida berezia» izango dela.