GASTEIZ. Espainiako Espetxe Erakundeek Ivan Apaolaza, Oihana Bakedano eta Aitor Fresnedo euskal presoak gerturatu ditu LogroƱoko espetxera. Lehena, Granadatik; beste biak, Jaendik. Raul Angel Fuentes, berriz, Madrilgo Soto del Real espetxera lekualdatuko dute, Alicante II kartzelatik.
Fuentes 2014an sartu zuten kartzelan, eta 50 urteko kartzela zigorra ezarri zioten. Apaolaza, berriz, 2008. urtean espetxeratu zuten, eta 123 urteko espetxealdia izan zen haren zigorra. Bakedano 2002an sartu zuten espetxean, eta hemezortzi urteko kartzela zigorra ezarri zioten. Azkenik, Fresnedo 1996an espetxeratu zuten, 30 urteko zigorrarekin. Azken biek beteak dituzte zigorraren hiru laurdenak.
Hiru euskal preso gerturatu, eta bat lekualdatuko dute
Iruzkinak
Ez dago iruzkinik
Ordenatu