Nafarroak ere proiektuak aurkeztu ditu

IRUÑEA. Maria Txibite Nafarroako presidentea Reyes Maroto Espainiako Industria ministroarekin bildu zen atzo, Madrilen. Europako Batasunaren Next Generation funtsak jasotzeko «zenbait proiektu» aurkeztu zizkion. Urrian, Iruñeko gobernuak azaldu zuen 125 proiektu zituela esku artean; horien artean, bateria elektrikoak egiteko fabrika bat, hidrogeno berdea sortzeko beste bat, eta Nafarroako Ubidearen luzapena. Marotok, berriz, atzera egin behar izan du funtsen banaketan ia erabateko ahalmena izateko asmoan. Eusko Jaurlaritza eta Kataluniako Generalitatea ez ezik, PSOEk kontrolatutako erkidego batzuk ere aurka jarri zitzaizkion.