EH Bilduk euskararen arloan murrizketak egitea leporatu dio Jaurlaritzari

GASTEIZ. EH Bilduk salatu du Eusko Jaurlaritzaren Hezkuntza Sailak «murrizketak» egin dituela euskararen arloan, giza baliabideei dagokienez. Ohar batean nabarmendu duenez, Jaurlaritzak iragarri du Irakasleak Alfabetatu eta Euskalduntzeko Programan (Irale) «zerbitzutik kanpo» geratu direla langileen herenak; horiek ordezkapenen zerrendara bidaliko dituzte. Koalizio independentistarentzat, Iraleren moduko proiektuak «zabaldu» egin behar dira. «Hipokritatzat» jo ditu Iñigo Urkullu Jaurlaritzako lehendakariaren eta EAJren diskurtsoa.