UEFAk Bizkaian zergarik ez ordaintzeko foru dekretua onartu du aldundiak

BILBO. UEFAk Eurokopa hiri jakin batera eramateko baldintzak jarri ohi ditu, eta, horien artean, erakundearentzat jarduten duten enpresek zerga gutxiago edo zergarik ez ordaintzeko exijitzen du. Bada, abuztu amaieran, Bizkaiko Aldundiak onartu egin zuen enpresa horiek zergak ordaintzetik salbuetsiko dituen foru dekretua: PFEZ, sozietateen zerga eta tokiko zergak. Eragin plataformak salatu egin du gertaera.