IRUÑEA. Hiru astean bi aldiz egin diote eraso 1978ko sanferminetako biktimen omenezko Gogoan monumentuari, Iruñean. 78ko Sanferminak Gogoan plataformak uztailaren 26an salatu zuen biktimak oroitzeko plaka lapurtu zutela. Hurrengo egunean, lapurtutakoaren tokian beste plaka bat jarri zuten, baina atzo jakinarazi zuten «ezezagun» batzuek hautsi dutela plaka hori, eta txakur gorotzak jarri zizkiotela.
Horren harira, 78ko Sanferminak Gogoan elkarteak Nafarroako Gobernuari eskatu dio lapurtutako plaka «ahalik eta azkarren» monumentuan jartzeko eta «legea betetzeko».
EH Bilduk gertatutakoaren inguruan adierazi du era horretako erasoek memoria historikoa berreskuratzea «oztopatzen» dutela. Geroa Baik, berriz, erasoa arbuiatu du, eta elkartasuna erakutsi die German Rodriguezen senideei.
Berriz eraso diote German Rodriguez oroitzeko plakari
1978ko sanferminetako biktimen omenezko plaka hautsi dute. Hiru astean bi aldiz eraso diote monumentuari
Iruzkinak
Ez dago iruzkinik
Ordenatu
