Aurtengo lehen hegaluzea Ondarroan porturatu da: 10,5 tona, kiloa 5,60 euroan

ONDARROA. Aurtengo lehen hegaluzeak atzo saldu zituzten Ondarroako Kofradiako enkantean. Denera, 10.500 kilogramo atunzuri porturatu zituzten, eta kiloa batez beste 5,6 euroan saldu zuten. Atunzuri ertainak ziren gehienak (9.500 kilo), eta kiloa 5,40 euroan saldu zuten; hegaluze handiaren kiloa, berriz, 9,30 euroan saldu zuten(500 kilo); eta txikia (500 kilo), batez beste bi euroan. Gaur hegaluze gehiago espero dute euskal portuetan.