Minbizia duten haurren arreta hobetzeko eskatu dio legebiltzarrak Jaurlaritzari

GASTEIZ. Minbizia duten haurrentzako azpiegiturak «egokitzeko» eskatu dio Eusko Legebiltzarrak Osasun Sailari. Are, gaixo horien arreta integrala ahalbidetzeko behar beste baliabide abiarazteko galdegin dute, EAJ, PSE-EE eta PPren botoekin. Gainera, eskatu dute zenbait proba Araban egin ahal izatea, haurrek bidaia gutxiago egiteko.