Dezelerazio ekonomikoa eten egin da apirilean Araban, Bizkaian eta Gipuzkoan

GASTEIZ. Industriak eta zerbitzuek lehen hiruhilekoan izandako bilakaera onari esker, Ekonomiaren Termometroaren emaitza 1,2 puntu hobetu da apirilean, 103,3 puntutik 104 puntura igota. Eusko Jaurlaritzak uste du neurgailu horrek erakusten duela 2018ko hazkunde ekonomikoaren motelaldia eten egin dela apirilean. Edonola ere, iazko apirileko datua baino ia 23 puntu apalagoa da emaitza. Termometroak hiru egoera ekonomiko bereizten ditu: beherapena (50 puntutik behera), hazkunde arina (50-100) eta hazkunde sendoa (100dik gora).