Mercedeseko sindikatuak murrizketen beldur dira, ekoizpen betean egon arren

GASTEIZ.Mercedesen Gasteizko lantegiko langile batzordeak lanuzte partzialak antolatu ditu datorren asterako, hiru langileren kaleratzea salatzeko. UGT, ELA, LAB, CCOO, ESK eta PIM sindikatuak beldur dira zuzendaritzak ez ote dituen murrizketa gehiago egingo lantegian, nahiz eta plantaren produkzio maila gorenean egon. Batzordeak azaldu duenez, zuzendaritzak asmoa zeukan aste honetan «aurrezpen plan bat» aurkezteko sindikatuei, baina atzera egin du.