Hilton kateak 126 logelako hotel bat zabalduko du Aroztegian 2022rako

LEKAROZ. Luxuzko 228 etxebizitza, hotel bat, spa gune bat eta bederatzi zuloko golf zelai bat eraiki nahi ditu Aroztegia Jauregia SM enpresak Lekarozen, Nafarroan. Atzo jakinarazi zutenez, hotel hori Hilton katekoa izango da, 126 logela izango ditu, eta espero da 2022. urte amaierarako zabalik egotea. Egitasmoak kontrako iritziak eragin ditu herritarren eta zenbait elkarteren artean, baina Nafarroako Auzitegiak ontzat jo zuen proiektua.