BAIONA. Batera plataformak foro bat eginen du Ipar Euskal Herriko instituzioez hausnartzeko, Nikolas Blain eta Jakes Bortairu kideek Baionako prentsaurreko batean azaldu dutenez. Hilaren 21ean izanen da topaketa,Baionako Arte eskolan, Iparraldeko instituzioa: nora joan nahi dugu? izenpean. Hainbat hizlari gonbidatu dituzte.
Euskal Elkargoak hilabete honetan bere barne antolaketari eta geroari buruzko eztabaida batzuk abiatuko ditu, eta Bateraren helburua gogoeta horri ekarpenak egitea izanen da, «kanpoko esperientziak aztertuz, besteak beste».
Foroko hitzaldi bat Nortasuna eta lurraldetasuna: instituzioen legitimitateaz izanen da, eta Euskal Elkargotik Lurralde Kolektibitatera iristeko eman beharreko pausoak izanen dira eztabaidaren erdigunean. Elkargoko antolaketa hobetu: demokrazia parte hartze gehiago izanen da beste gai bat.
Baterak gogoeta foro bat eginen du instituzioez
Iruzkinak
Ez dago iruzkinik
Ordenatu
