'Made in Oslo'

Sortzailea: Kathrine Valen Zeiner. Aktoreak: Pia Tjelta, Jakob Cedergren, Ola G. Furuseth, Mariann Hole, Sara Khorami. Herrialdea: Norvegia. Urtea: 2022. Non ikusi: Sundance TV. Atal bakoitzaren iraupena: 45 minutu. Generoa: drama.

Ama izan nahi baina ezin duen 40 urteko emakume bat da drama norvegiar honetako protagonista. In vitro ernalketak, ugalketa lagundua ahalbidetzen duten klinikak, adopzio prozedurak… telesail honen erdigunean daude. Izan ere, ama izateko, Elin prest dago sekretuak gordetzeko eta hainbat muga etiko gainditzeko. Bidean, arriskuan jarriko ditu lanbidea, familia eta bere bizitza.