'Glad Rag Doll' kaleratuko du Diana Krall abeslariak

MUSIKA. Kantatzeko eta dantzatzeko erritmoz jositako diskoa argitaratuko du hilaren 25ean Diana Krall abeslari kanadarrak: Glad Rag Doll. Ohar baten bidez, esan du aurreko lanekin alderatuta estilo aldaketa nabaria izango duela berriak, eta 20ko eta 30eko hamarkadetako musikan inspiratu dela. Krallen hamaikagarren estudioko lana izango da, T Bone Burnettek ekoitzia.