Enplegua eta lana sail bakarrean batzeko eskaera

EH Bilduk egindako proposamenari erdibideko zuzenketa bat eginda, oposizioko alderdi guztien babesarekin, Enplegu eta Lan sailak batzeko eskatu zion atzo legebiltzarrak Jaurlaritzari: «Kalitatezko enplegua sortzeko duen konpromisoari eraginkortasunez eta ikuspegi integral batetik helduko diola bermatu ahal izateko». Eskatu dute sail bakarrean kokatu ditzala bi sail horiek «berehala», eta, horretarako, Justiziari dagozkion ardurak beste departamentu batean kokatu ditzala.

EH Bilduk «ulertezintzat» jo dut sail horiek bereiztea, «horrek kudeaketa egokia eta koordinatua eragozten duelako». Koalizioaren ustez «oso garrantzitsua» da legebiltzarraren eskaria—EH Bilduk, Elkarrekin Podemosek eta PPk egin dute bat—. «Urkulluk gobernu egitura aldatu beharko du orain», esan du Nerea Kortajarena EH Bildukoak.