«Bada garaia aktore guztiek elkarbizitzaren bidean pausoak emateko»

«ETAren desagerpenak aro berri bat ekarri du, itxaropenerako leiho bat ireki da, eta bada garaia aktore guztiek elkarbizitzaren eraikuntzaren norabidean aurrerapausoak emateko, baita preso, iheslari eta deportatuen gizarteratzearen norabidean ere. Sanchezen adierazpenei gehitu behar zaizkie Nafarroako eta EAEko parlamentuetan espetxe politika aldatzeko dauden gehiengo zabalak eta presoen kolektiboak bide hori jorratzeko adierazitako borondatea».