Preso ohien espetxealdia urtetan.

Agerraldian parte hartu duten 80 bat lagunetik 60 bat azken hilabeteetan espetxetik ateratako preso ohiak izan dira. Horietatik asko, 197/2006 doktrina ezarria izan dutenak, espetxealdi luzeak egin dituztenak eta Europako Giza Eskubideen Auzitegiak Espainiari doktrina baliogabetzeko agindu ondoren kaleratu dituztenak. Urte mordoa pilatu ziren Plateruena kafe antzokiko areto nagusian: «Espetxe urte asko dira gure bizkar gainean daramazkigunak, hemen bildu garenon artean bakarrik 1.500 urte inguru», jakinarazi zuten. «Horietatik 200 urte, Estrasburgok ebatzi duenaren arabera, legez kanpoko zigor erantsi gisa».