Ban Ki-moon NBEko idazkari nagusiak ETAren erabakia ondo hartu du, eta«ETAk bere konpromisoa betetzea» espero duela jakinarazi du. Horrekin batera, «Espainiarentzat latza izan den kapitulu bati amaiera ematearekin itxaropentsu» agertu da, Martin Nesirky idazkariaren bozeramailearen bitartez atzo kaleratu zuen ohar batean. Horrekin batera, talde armatuaren «biktimak ez ahazteko» eskatu du.
«Berrogei urte baino gehiagoan espainiarrek indarkeria jasan dute ETAren eskuetan», gogorarazi du. Horregatik, erakundeak esandakoa betetzeko itxaropena azaldu zuen berriro ere. Gainera, «indarkeriaren amaiera eta armen libratze iraunkorra» gertatu beharko liratekeela adierazi du.
ETAk eragindako «800 baino gehiagoko biktima» ere gogoan izan ditu Banek. «Biktimetako inor, munduko terrorismoaren beste biktimekin batera, ez dira inoiz ahaztuak izango».
Ban Ki-moon. NBEko idazkari nagusia
«ETAk bere konpromisoa betetzea espero dut»
Iruzkinak
Ez dago iruzkinik
Ordenatu
