Maixabel Lasa

Legorreta (Gipuzkoa), 1951

Maixabel Lasaren senarra, Juan Mari Jauregi 1994 eta 1996 artean Gipuzkoako gobernadore zibila izandakoa, ETAk hil zuen 2000ko uztailean, Tolosan (Gipuzkoa). Handik urtebetera, Lasa Eusko Jaurlaritzako Biktimen Arretarako zuzendari izendatu zuen Juan Jose Ibarretxe Jaurlaritzako lehendakariak, eta zeregin horretan aritu zen hiru legealditan, 2012ra arte. Kargu horretan zebilela, biktimen eta presoen arteko topaketak antolatu zituen, eta horietan parte hartu zuen; lehen aldiz, 2011n eta 2014an elkartu zen Jauregi hil zutenetako birekin.