Bortxa matxistaren aurkako tresnak exijituko ditu LABek

Lantokietan aske! lelopean, enpresetan indarkeria matxistaren aurkako protokoloak exijituko ditu LABek azaroaren 25aren harira. Sindikatuak gogora ekarri du lantokiak gizartearen isla direla: «Hainbat botere harreman eta zapalkuntza ardatz gurutzatzen dira, eta horrek ahulezia eta babesgabetasun egoera larriagoan jartzen ditu hainbat pertsona eta kolektibo». Hala, «tresna eraginkorrak» eskatu ditu: «Langileekin negoziatuak eta landuak. Plantilla osoarentzako trebakuntzan eta sentsibilizazioan oinarritutako protokoloak, ez papera betetzekoak».