Skolaeko hainbat arduradun kargutik kendu ditu Gimenok

Hezkuntza kontseilari Carlos Gimenok (PSN) kargutik kendu ditu Skolae hezkidetza programa diseinatu eta martxan jarri zuten arduradunetako batzuk. Oihartzun handieneko kargugabetzea izan da Pilar Mayo Berdintasun alorreko arduradunarena, hura izan baitzen hezkidetza programaren sustatzaile nagusietako bat. Gimenok berak konfirmatu du albistea Diario de Navarra egunkariari eskainitako elkarrizketa batean. Hala ere, ziurtatu du kargugabetzeak ez diola programari eraginen: «Bestelako soslaiak bilatzen genituen, baina programa bizirik dago».