Iritsi dira Madrilera pentsiodunak

Jaka horia soinean, «nekatuta» baina jasotako babesarekin pozik, atzo iritsi ziren Madrilera irailaren 23an Bilbotik oinez joandako pentsiodunak. Espainiako hiriburuko Sol plazan batu ziren Andaluziatik abiatutako pentsiodunekin. Ondoren, Kongresura jo zuten, eta han oinetako batzuk utzi zituzten, beren aldarrikapenen ikur gisa. Gaur goizean manifestazioa egingo dute, pentsio duinak eta erosteko ahalmena bermatzen duen eguneraketa sistema eskatzeko. Hain zuzen ere, atzo iragarri zuen Espainiako jarduneko gobernuak 2020an %0,9 igo nahi dituela pentsioak. Abenduan egin nahi du, horretarako botoak lortuz gero.