Akordiorik gabe amaitu da metaleko itunaren bilera

Hogeigarren bilera zuten sindikatu eta patronalek Bizkaiko metaleko ituna negoziatzeko, eta, aurrekoetan bezala, alde bien jarrerak oraindik gerturatu gabe daude. ELAk, LABek, CCOOk eta UGTk atzo ohar bidez azaldu zutenez, patronalak erantzun «eskasa» eman zion aurreko bileran egin zuten proposamen bateratuari. Beraz, ostegun eta ostiraleko greba deialdiei eutsiko diete. FVEMek, bestalde, adierazi zuen «arduragabekeria» izan zela negoziazio mahaian greba deialdiekin eseri izana.