EH Bildu prest dago Arabarako, Bizkairako eta Gipuzkoarako hezkuntza hitzarmena negoziatzeko eta adosteko. Hala ziurtatu zuen atzo EH Bilduko programa zuzendari Pello Otxandianok, Donostian egindako prentsaurrekoan. Azaldu zuenez, datorren larunbatean EH Bilduren Konferentzia Politikoa elkartuko da, eta Mahai Politikoak onartu duen hezkuntzarako proposamen berria eztabaidatzen hasiko dira. «EH Bilduk uste du momentua iritsi dela Euskal Autonomia Erkidegoan hezkuntza hitzarmen bat osatzeko».
Ez dute proposamen berriaren xehetasunik eman, baina «eraldaketa sakonak» iragarri dituzte. Testuan jasota dauden hainbat elementu aipatu ditu Otxandianok: «Deszentralizazioaren aldeko apustu sendo bat»; «iraultza pedagogikoa»; euskalduntzean «jauzi kualitatibo bat» egitea; eta inbertsio publikoa indartzea.
Isabel Zelaa Espainiako Gobernuko Hezkuntza ministro ohiak ere esan du hezkuntza lege berria egiteko prozesuan ekarpena egiteko prest dagoela. Eusko Jaurlaritzako Hezkuntza sailburu Jokin Bildarratzekin lan egiteko prest agertu da.
EH Bildu, hezkuntza hitzarmena negoziatzeko prest
Iruzkinak
Ez dago iruzkinik
Ordenatu
