Carles Puigdemontek eta Michelle O'Neillek ere babesa adierazi diote gaur ospatzekoa den Aberri Egun bateratuari. Kataluniako presidente erbesteratuak eta Irlandako Sinn Fein alderdiko presidenteordeak Euskal Herria Batera herri ekinbideak proposatutako ekintzetan parte hartzera deitu dute. «Egoera zail honetan, Aberri Egun berezi hau elkartasunez ospatzea desio dizuet», nabarmendu du Puigdemontek. Herenegun nazioarteko dozena bat pasa lagunek adierazi zioten babesa ekinbideari: horien artean zeuden Gerry Adams Sinn Feineko lider historikoa, Elisenda Paluzie ANC Biltzar Nazional Katalaneko presidentea, Marcel Mauri Omnium Culturaleko presidenteordea, baita Galiziako, Kurdistango, Saharako eta Eskoziako zenbait ordezkari ere.
Euskal Herriko hainbat pertsona ezagunek osatu dute joan den asteburuan plazaratutako ekinbidea. COVID-19ak eragindako krisiaren ondorioz balkoi eta leihoetan ospatu beharreko Aberri Egunerako hiru proposamen egin dituzte. Batetik, egunaren aurretik elkartasuna adierazten duten irudiak bidaltzea ekinbidearen webgunera, horiekin ikur digital erraldoi bat egiteko xedearekin. Bestetik, egunean bertan balkoietan eta leihoetan ikurrinak eta Nafarroako banderak zintzilikatzea; baita gaur, 12:30ean, Mikel Laboaren Txoria txori kantua abestea ere.
EH Bilduk eta Ahal Dugu-khainbat pertsona ezagunek bultzatutako ekinbidea babestu dute; baita LAB sindikatuak ere. EAJk eta ELAk, ordea, bakoitzak bere aldetik ospatuko dute.
Carles Puigdemontek ere Euskal Herria Batera ekinbidearekin bat egin du
Herri ekimenak gaurko Aberri Egunerako proposatu dituen ekintzetan parte hartzera deitu du Kataluniako presidente erbesteratuak
Iruzkinak
Ez dago iruzkinik
Ordenatu
