Protesta artean hasi da baxoa berriz ere

Martxan da baxoa Lapurdiko, Nafarroa Behereko eta Zuberoako ikasleentzat: unibertsitatera joateko azterketa. Urteroko eran, protesta artean hasi dute proba Seaskako ikasleek: salatu dute aurten ere ezingo dituztela euskaraz egin azterketako proba gehienak, eta, hortaz, ikasketak egin ez dituzten hizkuntzan egin beharko dutela etsamina. Bi proba egin ditzakete euskaraz: Geografia-Historia eta Matematika. Seaskak ohartarazi du «borondate politikoa» falta dela gainerakoak ere euskaraz egin ahal izateko. «Ez dago aparteko oztoporik, ez euskaraz egiteko, ezta zuzentzeko ere». Dozenaka ikaslek egin zuten protesta atzo Baionako Bernat Etxepare lizeoan, azterketa artean. Baxoan bakarrik ez, brebeta azterketan ere gisa bereko egoera dute Seaskako ikasleek: irakats-hizkuntza ez duten hizkuntzan egin behar proba. Datorren astean da brebeta.