Osasunak segida eman nahi dio lehen garaipenari

Eibarren estreinako aldiz irabazita, zama handia kendu du gainetik Osasunak. Jokalariak eta teknikaria presiopean ziren, baina, irabazi ondotik, giroa nabarmen baretu da. Egoera horretan, taldea berriz irabazten saiatuko da gaur, Sadarren, Betisen kontra. Bi taldeak sailkapenaren behealdean dira; beraz, hiru puntu baino gehiago egonen dira jokoan. Enrique Martin Monrealek asteleheneko hamaikako berbera zelairatuko du.