Adierazpen instituzionalik ez legebiltzarrean

ETAren desegiteaz PSE-EEk Eusko Legebiltzarreko gainerako taldeei proposatutako adierazpen instituzionalak ez du aurrera egingo. Alderdi sozialistak azaldu du testua babesteko prest agertu direla EAJ, Elkarrekin Podemos eta PP, baina ez dutela EH Bilduren erantzunik jaso. Denen babesa behar zuen. Koalizio subiranistakoek adierazi dutenez, sozialistek, akordioa bilatu baino, nahiago izan dute «egun dauden desadostasunak» agerian utzi. EH Bildukoek ez dute edukiei buruz baloraziorik egin, baina azpimarratu dute «denek» dakitela «egun» ezinezkoa dela talde denen arteko akordioa. Gogoratu dute, halaber, gisa horretako testuak Bakegintza Lantaldera eraman ohi direla—PPk ez du parte hartzen—.