'Borroka armatua' gustuko ez, eta 'ekintza terroristak' jaso da

Europako Batasuneko estatu eta gobernuetakoburuzagiek ETAren erabakiari buruz adostutako adierazpenak azken orduko aldaketa bat izan zuen. Kaleratzekoa zen agiriaren proposamenak ETAren ekinbidea borroka armatu gisa jasotzen zuen. Baina, zenbait hedabidek ohartarazi dutenez, Espainiako ordezkariei hori gustatu ez, eta adierazpide hori jasotzen zuen aipamena aldatzeko eskatu zuten. ETAren jarduna amaitu izana azaltzen zuen esaldian borroka armatua esan ordez ekintza terroristak erabiltzeko eskatu zuten Espainiako ordezkariek. Hala izan zedin presio egin, eta, azkenean, Europako Kontseiluak onartu egin zuen eskaera. «Ekinbide terrorista» amaitu izana txalotu zuen.