Zortzi lagun hil dira Errusian autobus batean izandako leherketan

Lehergailu batek eztanda egin du gaur Errusian, Togliatti herrian, bidaiarien autobus batean, eta zortzi lagun hil direla jakinarazi du Poliziak. Horretaz gain, 45 lagun zaurituta daude. Goizeko seiak eta laurden pasatxo zirela izan da gertaera,

Atentatua izan da, Poliziaren arabera, eta lehergailua trilita kilo batez osatua zegoen. "Seguruenez, autobusaren azpian jarria zegoen bonba", esan du Poliziaren bozeramaile batek.

Beste iturri batzuek adierazi dute bidaiari batek izan zezakeela lehergailua, eta hark nahigabe egin duela eztanda bonbak.

Errusiako Gobernuak ez du, oraingoz, deus esan.