Yemengo armadako hamalau soldadu eta Al Kaedako ustezko hamazazpi kide hil dira hegoaldeko itsasaldean izan den tiroketa batean. Borroka Zinjibar hiriko kirol-estadioan zegoen base militarrean hasi da, milizianoekbertako zaintza postu bati eraso egin diotenean.
Herrialdeko beste eremu batzuetan borroka ugari izan ziren atzo. Zinjibartik bost kilometrora armadak zibilen kontra eraso eta lau lagun hil ditu. Al Mansura auzoan, Jaled al Hobeshi jeneralaren autoan bonba batek eztanda egin du, eta lagun bat zauritu da horren ondorioz.Jeneralari ez zaio ezer gertatu, bonbak eztanda egitean ez zegoelako barruan.
Yemenen 30 lagun hil dira soldaduen eta milizianoen tiroketa batean
Zinjibar hirian izan dira borrokak, hegoaldeko kostan; gobernuaren arabera, Al Kaedako kideak dira ekintzaileak
Iruzkinak
Ez dago iruzkinik
Ordenatu