MONROVIA. Lehen itzulia irabazi zuen (botoen %38,4 jasota), eta bigarrengoa irabazteko gutxi falta du. Asteartean egin zituzten bozak Liberian, eta atzo zenbaketa bukatu gabe zegoen, baina, botoen %98 kontatuta, George Weah futbolari ohi eta Liberiako Parlamentuko senatariak %61,5 bereganatuak zituen. Joseph Boakai zen beste hautagaia, eta botoen %38,5 zituen atzoko datuetan. Weahen zaleak garaipena ospatzera kalera irten dira.
Ellen Johnson Sirleafi hartuko dio lekukoa Weahek, okerrik ezean. 70 urtean, lehen aldia izango da Liberian presidente batetik hurrengorako aldaketa demokratikoki egin dena, herrialdeak estatu kolpeak eta gerrak bizi izan dituelako maiz. Aldaketa Demokratikorako Kongresuko zerrendako burua da Weah, eta hezkuntzan eta enpleguan jarri du lehentasuna.
Weah nagusitzen ari da Liberiako hauteskundeetan
Iruzkinak
Ez dago iruzkinik
Ordenatu
