VIETNAMGO GERRAKO ARKITEKTOA

Washingtongo etxean lotan ari zela hil zen atzo Robert McNamara (San Frantzisko, 1916). John F. Kennedyren AEBetako Defentsa idazkari ohiak behin eta berriz eskatu du barkamena azken urteotan Vietnamgo gerra zela eta; hura izan baitzen porrot egin zuen politikaren erantzuleetako bat -AEBetako 58.000 soldadu hil ziren-. Gerra Hotzaren garaian Pentagonoa modernizatzen ere saiatu zen. Vietnam iparraldean eginiko bonbardaketa salatu ostean, Munduko Bankuko presidente izendatu zuten, 1968an. KRISTINA BERASAIN