Txinak tibeteraren sustatzaile bat espetxeratu du

PEKIN. Txinako epaitegi batek bost urteko espetxe zigorrera kondenatu du tibetera eskoletan irakastearen aldeko ekintzaile bat, «separatismora bultzatzeagatik». Tashi Wangchuk enpresaria da, eta Pekinera bidaiatu zuen Txinako Gobernuarekin tibeterari buruz hitz egiteko asmoz. New York Times egunkariak ahalegina grabatu zuen, eta bideoa Wangchuken aurkako froga gisa erabili da auzian.