Timochenko deklaratzera deitu dute

FARC Kolonbiako Indar Armatu Iraultzaileak gerrillako buru izandakoa, Rodrigo Londoño Timochenko gaur da deklaratzekoa Bakerako Justizia Bereziaren aurrean, Alvaro Gomez Hurtado presidentetzarako hautagai eta politikariaren hilketarekin lotuta.

Hurtado 1995eko azaroaren 2an hil zuten, Sergio Arboleda Unibertsitate parean, Bogotan. Haren hilketaren erantzule egin dituzte Londoño bera eta Julian Gallo Cubillos komandante ohia. Londoñok Hurtadoren eta beste bost politikariren hilketen inguruko azalpenak emango ditu gaur auzitegi bereziaren aurrean. Auzitegi horrek berak FARCeko zortzi buruzagi ohi auzipetu zituen urtarrilaren amaieran, hainbat bahiketa eta gerra krimen egotzita.