Nicola Sturgeon Eskoziako lehen ministroak bi aste barru emango du balizko bigarren independentzia erreferendumari buruz dituen planen berri. Honako hau adierazi zuen atzo Bauer Radion, brexit-aren egoeraz galdetu ziotenean: «Etenaldiaren ostean, parlamentuarekin mintzatuko naiz atzo gauean gertaturikoaren inguruan eta luzera begira horrek Eskoziaren etorkizunari zer ekarriko dion».
Ikusteko dago, baina, zein egunetan izango den adierazpen hori: Aste Santuaren ostean, Eskoziako Parlamentua hilaren 23an itzuliko da lanera, eta egun horretan izango du aukera auzia eguneratzeko. 2014ko irailean egin zuten independentzia erreferendumean ezezkoa gailendu zen, botoen %55 eskuratuta.
Sturgeon bi aste barru mintzatuko da erreferendumaz
Iruzkinak
Ez dago iruzkinik
Ordenatu
