Socratesek dio ez duela erreskaterik eskatuko

LISBOA. Dimisioa eman duen Portugalgo lehen ministroak adierazi du ez duela erreskatea eskatuko. Oposizioari bota dio krisi politikoaren errua, eta «arduragabekeriaz» jokatu izana egotzi dio. Izan ere, ekonomia hobetzeko eginiko proposamena onartu ez izanak egoera zaildu du, Socratesen ustez. Hain justu, Legebiltzarrak neurri horiek onartu ez zituztelako eman zuen dimisioa.