BELGRAD.Atzo, Serbiako Kraljevoko Auzitegi Nagusiak aske utzi zituen ekainaren 14an atxiloturiko Kosovoko hiru polizia. Albin Kurti Kosovoko lehen ministroak albistea berretsi zuen. Hala eta guztiz ere, auzitegiak kaleratutako oharraren arabera, hiru agente horiek auzipetzeko agindua eman zuen.
Belgraden esanetan, «ekintza terrorista bat» egiteko asmoa zutelakoan atzeman zituzten, eta, bi egun geroago, fiskaltzak armak izatea leporatu zien. Pristinak, berriz, «bahiketatzat» jo zituen atxiloketa horiek, eta ziurtatu zuen agenteak «Kosovoko lurretan» harrapatu zituztela. Atxilotutakoak askatzearen alde azaldu dira egunotan Hungariako lehen ministro Viktor Orban eta Europako Batasuna.
Serbiak aske utzi ditu Kosovoko hiru polizia
Iruzkinak
Ez dago iruzkinik
Ordenatu
