Putinek esan du Errusiarentzat "ezustekoa" izan zela Edward Snowdenen ailegaera, eta jakinarazi du oraindik Moskuko aireportuan dagoela. Gainera, Errusiako presidenteak adierazi du ez duela ez hanka eta ez bururik pentsatzeak Errusia Snowdenekin kolaboratzen ari denik.
Gaur bertan John Kerry AEBetako Estatu idazkariak Snowden AEBetara bidaltzeko eskatu du. "Washingtonek ez du aurrez aurrekorik nahi. Snowden entregatzea soilik legearekin zerikusia duen kontu bat da", adierazi du.
Txinak ere erantzun die AEBei esanez "onartezina" dela Snowdeni ihes egiten lagundu ziotela esatea.
